Horijga ketgan Oʻzbekiston Respublikasi fuqarolari holidan xabar olish va muammolarini aniqlash yuzasidan yig'ilish boʻlib oʻtdi.

 Baxmal tuman hokimligining majlislar zalida boʻlib oʻtgan yig'ilishda Oʻzbekiston Kasaba uyushmalari federatsiyasi tomonidan Jizzax viloyatiga biriktirilgan masʼullar, tuman hokimi oʻrinbosarlari, "Mahalla yetiligi" va tumandagi tashkilotlar vakillari ishtirok etishdi.

 Mazkur yig'ilishda, horijga ishlash va boshqa maqsadlarda chiqib ketgan fuqarolarni aniqlash, maxsus "Anketa-so'rovnomasi" orqali oila aʼzolari bilan suxbatlar o'tkazish, fuqarolarning horijga chiqish maqsadlarini aniqlash, ijtimoiy turmush tarzini oʻrganish, horijdan qaytib kelgach ularning bandligini taʼminlash, sog'ligini tiklash va zaruriy xollarda moddiy yordam berish tartiblari haqida vakillar tomonidan tushuncha hamda yoʻriqnomalar berildi.

 Yig'ilish so'ngida berilgan savollarga vakillar tomonidan atroflicha javob qaytarildi.

                                                                               Baxmal tuman hokimligi

                                                                               Axborot xizmati