Ижтимоий тармоқда "Бахмал тумани “Оқтош” ҚФЙ Ўрай қишлоғи аҳолиси номидан чиқиндилар билан боғлиқ муаммо" ҳақидаги хабар юзасидан
Маълум қиламизки, Бахмал тумани қаттиқ маиший чиқиндиларни кўмиш полигони туманнинг "Оқтош" ҚФЙ ҳудудида жойлашган бўлиб, умумий майдони 3 гектарни ташкил этади. Ўзбекистон Республикасининг Санитария қоида ва меъёрларининг 5.2-бандида қаттиқ маиший чиқинди полигони, аҳоли яшаш ҳудудидан 500 метрдан кам бўлмаслиги белгиланган. Шунга ко`ра, Бахмал тумани чиқинди полигони Ўрай қишлоғи аҳоли яшаш жойидан 500 метрдан кам бўлмаган узоқликда жойлашган.
Туман маиший чиқинди полигонига келтирилган маиший чиқиндиларни доимий равишда суриб, кўмиш ишлари олиб борилмоқда. 1 дона ХГМA-93ИҲ русумли фронтал автоюклагич ёрдамида чиқиндиларни кунлик суриш ишлари амалга ошириб келинмоқда. Шунингдек, 2023-йилнинг 9-март куни полигонда 1 дона автоюклагич ҳамда 1 дона автосамосвал ёрдамида рекултивация ишлари амалга оширилди.
Бундан ташқари “Оқтош” ҚФЙ фаоллари ва атрофдаги фермер хўжаликлари раҳбарлари билан келишган ҳолда 1 га майдонда умумий қиймати 5 млрд. сўмлик экологик санитария талабларига жавоб берадиган қайта юклаш станцияси қурилади ва 10 нафар қўшимча ишчи ўрни яратилади.
Лойиҳа-смета хужжатлари «SAM TEX PROECT» MЧЖ томонидан якунланди. Қурилиш ишлари бошланиш арафасида.