Телефонлар:
(0372) 412-12-34
(0372) 412-14-60
» » Barcha shaxslar oʻz nomiga tovar belgisini roʻyxatdan oʻtkazishi mumkin.

Barcha shaxslar oʻz nomiga tovar belgisini roʻyxatdan oʻtkazishi mumkin.

28 март 2022 йил
339
0

Intellektual mulk — innovasion rivojlanishning zaruriy omili

“Intellektual mulk obyektlari toʻgʻrisidagi qonunchilik takomillashtirilishi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish haqida”gi Qonun Prezident tomonidan imzolandi.

  1. Qonun bilan “Ixtirolar, foydali modellar va sanoat namunalari toʻgʻrisida”gi Qonunga qoʻshimchalar kiritildi.

Unga koʻra, Sanoat mulki obyektlari toʻgʻrisidagi qonunchilikni buzganlik uchun jarima solish asoslari va tartibi, shuningdek yuridik shaxslar tomonidan jarimani toʻlash tartibi belgilandi.

Shunga asosan, tegishli patentlangan sanoat mulki obyektini oʻz ichiga olgan mahsulotni yoki buyumni ruxsatsiz tayyorlash, qoʻllash, import qilish, sotishga taklif etish, sotish, fuqarolik muomalasiga boshqa yoʻsinda kiritish kabi harakatlarni sodir etgan yuridik shaxslarga BHMning 100 baravaridan 200 baravarigacha jarima solinishi mumkin.

Jarimalar miqdorlari huquqbuzarliklarning har bir turi boʻyicha alohida belgilanadi.

Jarima summasi miqdorining 70 foizi huquqbuzar tomonidan bir oy ichida ixtiyoriy ravishda toʻlangan taqdirda, huquqbuzar jarimaning qolgan summasini toʻlashdan ozod etiladi.

  1. Qonun bilan “Tovar belgilari, xizmat koʻrsatish belgilari va tovar kelib chiqqan joy nomlari toʻgʻrisida”gi Qonunga kiritilgan oʻzgartirishga koʻra, barcha yuridik yoki jismoniy shaxs oʻz nomiga tovar belgisini roʻyxatdan oʻtkazishi mumkin (ilgari tadbirkorlik faoliyatini amalga oshirgan shaxslar).

Tovar belgilari va tovar kelib chiqqan joy nomlari toʻgʻrisidagi qonunchilikni buzganlik uchun jarima solish asoslari va tartibi, shuningdek yuridik shaxslar tomonidan jarimani toʻlash tartibi belgilandi.

Shunga koʻra, tovar belgisidan, tovar kelib chiqqan joy nomidan yoki ular bilan adashtirib yuboradigan darajada oʻxshash boʻlgan bir turdagi tovarlar uchun belgilardan qonunga xilof ravishda foydalanish yuridik shaxslarga BHMning 100 baravaridan 200 baravarigacha miqdorda jarima solishga sabab boʻladi.

  1. Bundan tashqari, “Firma nomlari toʻgʻrisida”gi Qonunda Firma nomlari toʻgʻrisidagi qonunchilikni buzganlik uchun jarima solish asoslari va tartibi, shuningdek yuridik shaxslar tomonidan jarimani toʻlash tartibi mustahkamlandi.

"Advokatura toʻgʻrisida"gi Qonuniga kiritilgan oʻzgartirishlarga ko`ra advokatlik byurolari, advokatlik firmalari va advokatlar hayʼatlarini roʻyxatdan oʻtkazish endi davlat xizmatlari markazlari tomonidan amalga oshiriladi.

Asos: OʻRQ–749-son, 02.02.2022-y.

S.Ergashev

Jinoyat ishlari byicha

Baxmal tuman sudining raisi

скачать dle 12.0
Муҳокамага қўшилинг

Тавсия этамиз:

Pensiyani qayta hisoblab chiqish tartibi
10 март 2022, Четверг
Pensiyani qayta hisoblab chiqish tartibi
Pensiya tayinlash tartibi
04 март 2022, Пятница
Pensiya tayinlash tartibi
Pensiyani hisoblash tartibi
15 март 2022, Вторник
Pensiyani hisoblash tartibi
Pensiyani bir turidan boshqa turiga oʼzgartirish mumkinmi?
09 октябрь 2021, Суббота
Pensiyani bir turidan boshqa turiga oʼzgartirish mumkinmi?
Фикр билдириш
Изоҳлар (0)
Фикр билдириш
Кликните на изображение чтобы обновить код, если он неразборчив